Push for PORTER

izquierdaCILL MHUIREderecha
YouTube

Is buachaillín mise do shiúlaigh a lán
Ag cur tuairisc na háite is fearr ionad
I múineadh in iompar i gclú cheart 's i gcáil
I mbéasa i dtréithe is i dtuiscint
Ní heol dom aon chúige nó dúnbhaile breá
Dá bhfacas im' shiúlta ba shúgaí le rá
Níor luigh ariamh mo shúil ar aon dúichín chomh breá
Leis an áit úd a nglaotar Cill Mhuire air

Is Hóró é, Hóró é a bhuachaillín breá
Hóró é, Hóró é, sín chugam do láimh.
Tá an jug ar an mbord is ba chóir é bheith lán
Chun go n-ólfaimis sláinte Chill Mhuire.

Ansiúd a bhíonn tionnlac mion-cholúr is faoileán
An chéirseach cearc fraoigh agus druide
Ar ghéagaibh ina slaodaibh ag géilleadh faoi bhláth
Is gur mhéin liom le háireamh a bhfoireann
Bíonn fuaim ag an gconairt á leagaint chun fiaigh
Ag traochadh an tsionnaigh is marcaigh ina dhiaidh
Bíonn adharca a séideadh is na céadta 'Huzzá!'
Ar chnocáinín aerach Cill Mhuire

Ansiúd a bhíonn cúinse go súgach ag dáimh
Mar a léitear na húdair is cliste
Bíonn ól agus aoibhneas rince agus rás
Agus ceolta go binn ann dá sheinm
Bíonn gasra groífhear gur gníomh iad le rá
Ar mhachaire an choimheascair nár stríoc riamh dá namhaid
Sin deireadh lem' ghníomhartha ach líontar dúinn cárt
Chun go n-ólfaimid sláinte Cill Mhuire



Song