Push for PORTER

izquierdaBean Dubh A' Ghleannaderecha
YouTube

O tá bó agam ar a' sliabh
Is táim le seal 'na diaidh
Ó chailleas-sa mo chiall le nuachar.
Dá seoladh soir is siar
Pé áit go ngabhann an ghrian,
Ó maidin go mbuí an tráthnóinín
Nuair a fhéachaim féin anonn
Ins an áit ina mbíodh mo rún
'Sea ritheann óm' shúil' sruth deora.
'S a Rí Ghil na gcumhacht,
Go bhfóirir ar mo chúis
Mar 'sí an bhean dubh ón ngleann
Do bhreoigh mé.

Bean dubh a' ghleanna,
An bhean dubh ab'fhearra;
An bhean ba dheise gáire.
A grua mar an sneachta
'S a píb mar an eala
'S a com seang, singil, álainn.
Níl ógánach cailce
Ó Bhleá Cliath go dtí an Ghaillimh;
Ná as san go Tuaim Uí Mheára;
Ná fuil ag triall is ag tarraingt
Ar eachaibh donnaibh deasa;
Ag tnúth leis an mbean dubh úd álainn.

Gheobhainnse bean sa Mhumhain, triúr ban i Laighin,
Is bean ón Rí geal Seoirse.
Bean na lúbaí buí a d'fháiscfeadh mé lena croí,
Bean is dhá mhíle bó léi.
Iníon óg an Iarla tá go tinn, dubhach, diacrach
Ná d'iarraidh mé d'fháilt le pósadh.
Ach dá bhfaighinnse féin mo rogha de mhnáibh óga, deasa an domhain;
'Sí an bhean dubh ón ngleann do thógfainn.

An té a chífeadh mo thig-se
'S gan de dhian air ach scraith
'S é buailte ar leataobh a' bhóthair
Mar a ghabhann ann an bheach
Is deineann ann a nead
Le teas agus grian an óir ghil
Nuair a aosaíonn suas an tslat
Ní fhanann air aon mheas
Ach ag tnúth leis an mbrainse a phógadh
'S mo chailín phlúrach deas
Gur éalaigh uaim le spreas
Mo chúig céad míle slán beo léi



Song